Jambyl oblysynda dámhanada qorqor shekkenderge aıyppul salyndy
Jambyl oblysynyń Polıtsııa departamenti Esirtki qylmysyna qarsy is-qımyl basqarmasynyń jáne Taraz qalasynyń PB jergilikti polıtsııa qyzmeti bóliminiń qyzmetkerleri Taraz qalasynyń kóńil kóterý oryndarynda quqyq buzýshylyqtardy anyqtaýǵa baǵyttalǵan reıdter ótkizdi.
Tekserý barysynda 10 dámhana men barda kalıan tutynýǵa salynǵan tyıymdy buzýdyń 8 faktisi anyqtalǵan. Osyǵan qatysty 8 adam ákimshilik jaýapkershilikke tartylyp, olarǵa 15 AEK, ıaǵnı 41 670 teńge mólsherinde aıyppul salyndy.
«Tekserýmen qamtylǵan barlyq oıyn-saýyq mekemelerinde qoǵamdyq oryndarda kalıan shegýge tyıym salý týraly aqparattyq paraqshalar taratyldy. Sondaı-aq, atalǵan mekemelerdiń ákimshiligine QR ÁQBtK-niń 422-baby boıynsha ákimshilik jaýapkershilik týraly , sondaı-aq QR QK-niń 299-1-baby boıynsha qylmystyq jaýapkershilik týraly eskertildi», - deıdi PD esirtki qylmysyna qarsy is-qımyl basqarmasynyń bastyǵy Asqar Jumabekov.
Aıta ketý kerek, meıramhanalarda, dámhanalarda jáne basqa da qoǵamdyq mekemelerde kalıandy paıdalanýǵa tyıym salynǵan. Qorqordy tek úı jaǵdaıynda shegýge ruqsat.