Jambyl oblysynda bıyl 10 bala terezeden qulap ketken
Óńirlik kommýnıkatsııalar qyzmeti alańynda ótken brıfıngide TJD Tótenshe jaǵdaılardy aldyn alý basqarmasy basshysynyń mindetin atqarýshy Gúlnar Jamantaeva balalardy qaraýsyz qaldyrý máselesine toqtaldy. Ol jyl basynan beri balalardyń terezeden qulaýyna qatysty 10 oqıǵa tirkelgenin aıtty. Onda 2 jastan 15 jas aralyǵyndaǵy balalar zardap shegip, 1 jasóspirim qaıtys bolǵan.
Gúlnar Jamantaevanyń aıtýynsha, ruqsat etilmegen sý aıdyndarynda shomylatyndar, saqtyq sharalaryn saqtamaıtyndar kóbeıgen. Sý aıdyndarynda qaıǵyly oqıǵany boldyrmaý úshin 2 208 reıd júrgizilgen. Shara kezinde Ákimshilik quqyq buzýshylyq kodeksiniń 440-baby boıynsha 186, al 364-baby boıynsha 65 ákimshilik quqyq buzýshylyq anyqtaldy. Bul kórsetkish 2020 jylǵa qaraǵanda 2 esege kóbeıgen.
«Búgingi kúni Jambyl oblysynyń sý aıdyndarynda 4 adam sýǵa batyp ketti, onyń bireýi bala. 2020 jyl 7 aı ishinde sýda 11 adam qaza boldy, onyń ishinde 4 bala. Búginge deıin oblys boıynsha 6 adam qutqaryldy, onyń ishinde 4 bala bar. Taraz qalasynda 5 adam, Sarysý aýdanynda 1 eresek adam qutqarylǵan», - dedi G.Jamantaeva.