Jambyl oblysynda bilim salasyn qarjylandyrý 18 paıyzǵa ósken

TARAZ. QazAqparat - Jambyl oblysy boıynsha bıyl 1 synypqa 22118 oqýshy qabyldandy, dep habarlaıdy QazAqparat tilshisi.

Bul týraly óńirlik kommýnıkatsııalar qyzmetinde oblystyq bilim basqarmasynyń basshysy Meıirhan Ómirbek jýrnalıstermen ótken brıfıngte málimdedi.

Jalpy, bıyl oblystyń bilim salasyn qarjylandyrýǵa 284,8 mıllıard teńge bólingen. Bul ótken jylmen salystyrǵanda 18 paıyzǵa artyq. 17 bilim nysanynyń kúrdeli jóndeý jumystaryna 4,4 mıllıard teńge qarjy qaralǵan. Qurylysy aıaqtalmaǵan bes mekteptiń oqýshylary jaqyn mańaılardaǵy memlekettik mekemelerde bilim alý múmkindikteri qarastyrylýda.

Oblystyq bilim basqarmasy basshysynyń aıtýynsha, oblysta bilim berý nysandarynyń qaýipsizdigine bıyl 1,8 mıllıard teńge bólingen. Búgingi kúni 690 bilim nysany 100% beınebaqylaý kameralarymen qamtylǵan. Al oqýlyqtardy satyp alýǵa 3,1 mıllıard teńge bólinip, oqýshylar 100 paıyz oqýlyqpen qamtylatyn bolady.

«1-4 synyp oqýshylaryn bir mezgil ystyq tamaqpen qamtýǵa oblystyq bıýdjetten 2,5 mıllıard teńge bólindi. Balany mektepke daıyndaý úshin ata-analarǵa 40567 teńge jeke shottaryna aýdarylýda.

«Mektepke jol» aktsııasy aıasynda 1-14 tamyz aralyǵynda jekelegen sanattaǵy 701 balaǵa 22 378 496 teńgege demeýshiler esebinen kómek kórsetildi. Búgingi kúni bilim nysandarynyń 90 paıyzy jylytý maýsymyna daıyn», – dedi Meıirhan Ómirbek.

Aıta keteıik, buǵan deıin Jambyl oblysynda bes mekteptiń qurylysy bitpegenin habarlaǵan bolatynbyz.