Jambyl oblysynda aýyl turǵyndary muqtaj eki otbasyǵa úı salyp berdi
Oblys ákimi Berdibek Saparbaevtyń bastamasymen júzege asyp jatqan atalǵan joba sheńberinde aýdandaǵy Túımekent aýyldyq okrýgindegi turmysy tómen, kópbalaly Ǵalymjan Bekbaýovtyń otbasy baspanaly boldy.
Qýanyshty sátti aýyldastarmen birge aýdandyq máslıhattyń hatshysy Nurjan Tlepov, aýdan ákiminiń orynbasary Bolat Saǵynbekov bólisip qaıtty.
Nurjan Tlepov tárbıelik máni bar úlken iste bir jaǵadan bas, bir jeńnen qol shyǵara bilgen túımekenttik aǵaıynnyń eńbegine rızashylyq bildire kele, oblys, aýdan basshylyǵy jáne óz atynan aıtýly iste belsendilik tanytqan aýyldastarǵa alǵysyn jetkizdi.
Aýyldyq okrýgtegi aqsaqaldar alqasynyń tóraǵasy Marat Bógenbaev, Aqjar aýylynan arnaıy kelgen aq jaýlyqty ana Botakóz Toǵaıbaeva, qonys toıdyń ıesi Ǵalymjan Bekbaýov sóz sóılep, aıtýly iste belsendilik tanytqan birqatar azamattar, sharýa qojalyqtar men kásipkerlerge, qoldaý kórsetken aýdan jáne aýyldyq okrýg ákimine yqylasyn bildirdi.
Kópbalaly otbasynyń jańa úıin jabdyqtaýda da aýyldastary aıanyp qalmaǵan. Jany jomart, qoly ashyq azamattar eshbir oılanbastan qoldan kelgen kómekterin kórsetken. Atap aıtsaq, Bókenbaı Bıtabarov, Azımhan Bınazarov, Ermek Arypbekov, Aýes Qalabaev, Marına Baıjarıkova, Rahat Serıkbaev, Muqaǵalı Ońalbaev árqaısysy elý myń teńgeden qarjylaı qoldaý kórsetse, aýyl meshiti arqyly tórt kilem tartý etilgen. Serik Mamyrbaev pen Jasulan Altynbekov balalar bólmesin jabdyqtaýǵa úles qossa, Naýryzbek Joldanov 80 sharshy metr sozylmaly tóbeni, Ǵabıt Kenesarıev plastık terezeler ornatýǵa kómektesken. Basqa da aýyl azamattary qoı, eshki maldaryn jetkizip bergen.
Dástúrge saı shashý shashylyp, qonaqtar jańa baspananyń ishin aralap, qutty bolsyn aıtty. Shara sońynda baspananyń salynýyna súbeli úles qosqan aýyl turǵyndary aýdan ákimi, aýdandyq máslıhat, «Nur Otan» partııasy aýdandyq fılıaly jáne aýyldyq okrýg ákiminiń Alǵys hattarymen marapattaldy.
Sondaı-aq, «Asarlatyp úı salý» jobasy aıasynda boı kótergen kelesi turǵyn úı Jańaturmys aýylynda turmysy tómen Jandarbek Ájibaevtyń otbasyna paıdalanýǵa berildi.