Jambyl oblysynda ata-anasynyń qaraýynsyz qalǵan eki er bala sýǵa batyp ketti

TARAZ. QazAqparat - Jambyl oblysynyń Shý qalasynda jergilikti turǵyn káriz tazartý qondyrǵysynan 2013 jyly týǵan eki balanyń denesin taýyp, alyp shyqty, dep habarlaıdy QazAqparat tilshisi.

Jambyl oblystyq tótenshe jaǵdaılar departamenti baspasóz qyzmetiniń habarlaýynsha, oqıǵa 9 shilde kúni saǵat 18.00-der shamasynda bolǵan. Eresekterdiń qaraýynsyz qalǵan balalar oınap júrip, sýǵa qulap, batyp ketkeni anyqtaldy.

Oryn alǵan jaǵdaı boıynsha sot-medıtsınalyq saraptama taǵaıyndaldy.

Aıta keteıik, buǵan deıin Jambyl oblysynyń 421 turǵynyn kene shaqqanyn habarlaǵan bolatynbyz. Jambyl oblysy boıynsha kene shaǵýdan zardap shekken 421 adam tirkelgen. Ótken jyly bul kórsetkish 426-ny quraǵan.

Sondaı-aq, Jambyl oblysynda elektrli qarmaqpen balyq aýlaǵan brakonerler ustalǵanyn jazǵan bolatynbyz. Baızaq aýdandyq polıtsııa bólimi tabıǵatty qorǵaý tobynyń qyzmetkerleri Aqjar aýylyndaǵy Talas ózeniniń mańynda «Volkswagen Golf» markaly avtokóligin toqtatady. Tekserý kezinde avtokóliktiń bagajy men salonynan jalpy salmaǵy shamamen 20 keli bolatyn balyq salynǵan qapshyq, rezeńke qaıyq, balyq aýlaý quraldary, tereń metall tor, elektr symdary, elektrli qarmaq apparaty, akkýmýlıator tabylady.