Jambyl oblysynda alty aıda 324 esirtki qylmysy anyqtaldy

TARAZ. QazAqparat – Jambyldyq polıtseıler alty aıda úsh júz keliden astam esirtki zatyn tárkiledi, dep habarlaıdy QazAqparat tilshisi.

Bıylǵy jyldyń birinshi jarty jyldyǵynyń qorytyndysy boıynsha Jambyl oblysynyń polıtsııa departamenti esirtki qylmysyna qarsy is-qımyl basqarmasynyń qyzmetkerleri zańsyz aınalymnan 324 keli túrli esirtki zatyn tárkiledi.

Onyń ishinde 244 keli marıhýana, 78 keli gashısh, 796 gramm geroın jáne 17 gramm sıntetıkalyq esirtki quraldary bar.

«Esepti kezeńde 324 esirtki qylmysy anyqtaldy, onyń ishinde 61 esirtkini ótkizý, 32 asa iri kólemde saqtaý, 12 esirtki quraldaryn kontrabandalaý jaǵdaıy, 10 quramynda esirtki bar ósimdikterdi ósirý, 1 esirtki, psıhotroptyq nemese ýly zattarmen jumys isteý qaǵıdalaryn buzý jáne 209 qylmystyq teris qylyq deregi», – dedi Jambyl oblysy polıtsııa departamenti esirtki qylmysyna qarsy is-qımyl basqarmasynyń bastyǵy Asqar Jumabekov.