Jambyl oblysynda Almaty turǵynynyń kóliginen 47 keliden astam gashısh tabyldy
Jambyl oblysy Polıtsııa departamentiniń esirtki qylmysyna qarsy is-qımyl basqarmasynyń qyzmetkerleri jedel-izdestirý is-sharalaryn júrgizý barysynda «Batys Eýropa-Batys Qytaı» avtojolynyń 260-shaqyrymynda Almaty qalasynyń 39 jastaǵy turǵynynyń basqarýyndaǵy «Golf-3» markaly avtokóligi toqtatty.
Avtokóliktiń júksalǵyshynan eki sómke tabylyp, ondaǵy zattardyń salmaǵy 47 kg 850 grammdy quraıtyn gashısh esirtkisi ekeni anyqtaldy.
«Atalǵan derek boıynsha Qylmystyq kodekstiń 297-baby 3-bóligi boıynsha sotqa deıingi tergeý amaldary júrgizilýde. Kúdikti óz kinásin moıyndap, Qordaı aýdanynyń ýaqytsha ustaý ızolıatoryna qamaýǵa alyndy. Osy qylmysty jasaǵany úshin múlki tárkilenip, on jyldan on bes jylǵa deıingi merzimge bas bostandyǵynan aıyrý jazasy kózdelgen», – dep málimdedi Polıtsııa departamentiniń esirtki qylmysyna qarsy is-qımyl basqarmasynyń bastyǵy Asqar Jumabekov.