Jambyl oblysynda alaıaq taksı jolaýshylarynyń smartfony arqyly aqsha urlaǵan
Jambyl oblysynyń polıtsııa departamenti belgili bankterdiń mobıldi qosymshalary arqyly júzege asyrylatyn alaıaqtyqtyń jańa ádisi týraly málim etti. Organnan habarlaǵandaı, Taraz qalalyq polıtsııa basqarmasynyń jedel basqarý ortalyǵyna 20 jastaǵy turǵyn banktegi esepshotynan 48 000 teńge joǵalǵany týraly aryz túsirgen. Jedel izdestirý sharalarynyń nátıjesinde Jambyl oblysynyń 25 jastaǵy turǵyny anyqtalyp, ustaldy.
«Kúdikti kólikte kele jatyp, jábirlenýshiniń mobıldi bank shotyndaǵy aqshany urlap úlgergen. Jigit esepshotynan aqsha aýdaryp jatqan kezde áıel tórt tańbaly qupııa kodyn kórip, este saqtap qalǵan. Artynsha qońyraý shalý úshin jigittiń telefonyn surap alyp, óz esepshotyna aqsha aýdarǵan. Ol dál osy ádispen Shymkent qalasy turǵynynyń telefony arqyly 100 myń teńge kóleminde aqsha jymqyrǵan», - deıdi Jambyl oblysy PD baspasóz qyzmetiniń jetekshisi Gúlsara Muhtarqulova.
Kúdikti óz kinásin tolyq moıyndap, ýaqytsha ustaý ızolıatoryna qamaldy. Atalǵan fakti boıynsha QR Qylmystyq kodeksi 188-babynyń 2-bóligi boıynsha sotqa deıingi tergeý amaldary júrgizilip jatyr. Bul rette 3 myń AEK-ke deıin aıyppul salynýy nemese túzeý jumystary nemese 5 jylǵa deıin bas bostandyǵynan aıyrý jazasy qarastyrylǵan.