Jambyl oblysynda 80 jastaǵy qarııa 5 jasar qyzǵa alma berip, uıaly telefonyn alyp ketken

TARAZ. QazAqparat - Jambyl oblysy Baızaq aýdanynyń polıtsııa bólimine 5 jasar qyzdyń ata-anasy shaǵymdanyp, belgisiz qart kisiniń kámeletke tolmaǵan qyzynyń smartfonyn alyp ketkenin habarlaǵan, dep jazdy QazAqparat tilshisi.

Kúdikti baǵasy 132 myń teńge turatyn uıaly telefondy búldirshinge alma berý arqyly aldap, aıyrbastap alǵan.

Jambyl oblystyq polıtsııa departamenti baspasóz qyzmetiniń habarlaýynsha, kúdikti retinde 80 jastaǵy er adam ustalǵan. Ol óziniń kinásin tolyq moıyndaǵan.

Uıaly telefon tárkilenip, QR QK 190-baby 1-bóligi boıynsha sotqa deıingi tergeý amaldary bastaldy.

Buǵan deıin Taraz turǵynynan «sıntetıkanyń» 75 oramy tárkilengenin https://kaz.inform.kz/news/taraz-turgynynan-sintetikanyn-75-oramy-tarkilendi_a4065766 jazǵan bolatynbyz. Esirtki qylmysyna qarsy is-qımyl basqarmasynyń qyzmetkerleri esirtki zattaryn asa iri mólsherde saqtady degen kúdikpen Taraz qalasynyń turǵynyn ustady.

Buǵan deıin Taraz qalasynyń turǵyny alaıaqtyq deregi boıynsha polıtsııaǵa aryzben júgingenin jazǵan bolatynbyz.

Aıtýynsha, bıylǵy qańtar aıynda tanys áıel ony mektepke muǵalim bolyp jumysqa ornalastyrýǵa ýáde berip, óziniń «qyzmeti» úshin 700 myń teńge alǵan. Polıtsııa qyzmetkerleri jedel-izdestirý is-sharalaryn júrgizý barysynda oblys ortalyǵynyń 48 jastaǵy turǵynyn anyqtady. Áıel óz kinásin moıyndady. Ol «kelý týraly mindettememen» bosatyldy.