Jambyl oblysynda 50 mln teńgeniń janarmaıyn shekaradan zańsyz ótkizbek bolǵandar ustaldy
03:00, 15 Qarasha 2021
NUR-SULTAN. QazAqparat - Benzındi, dızel otynyn jáne munaı ónimderiniń jekelegen túrlerin áketýge Qazaqstan Respýblıkasynda qoldanylyp júrgen ýaqytsha shekteýlerge qaramastan, keıbir jeke jáne zańdy tulǵalar olardy zańsyz ótkizýge áreket jasaýda.
2021 jylǵy 13 qarashada QR Ulttyq qaýipsizdik komıteti Shekara qyzmetiniń jasaǵy Jambyl oblysy Merki aýdanynyń «Chaldovar» (temirjol) ótkizý pýnktinde Qazaqstan aýmaǵynan shamamen 68 tonna dızel otyny men 120 tonna benzındi zańsyz áketý áreketin boldyrmady (otyn túrin saraptama belgileıdi).
Otyny bar úsh tsısternany tasymaldaý gaz kondensaty túrindegi júk temir jol quramymen júzege asyryldy, dep habarlaıdy QazAqparat QR UQK Shekara qyzmetiniń baspasóz málimetterine silteme jasap.
Saraptama qorytyndysy boıynsha ustalǵan taýardy is júrgizý sheshimin qabyldaý úshin Jambyl oblysy boıynsha Memlekettik kirister departamentine berý josparlanýda. Ustalǵan janarmaıdyń aldyn ala quny 50 mln teńgeni qurady.