Jambyl oblysynda 50 aýylda 10 myńnan astam úıge tirkelgen ınternet tartylyp jatyr

NUR-SULTAN. QazAqparat – Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın óńir basshylaryn Jambyl oblysyndaǵy ınvestorǵa nazar aýdarýdy surady.

Mınıstrdiń aıtýynsha, ol jaqta jeke ınvestor 50 aýylǵa ınternet tartyp jatyr, dep habarlaıdy QazAqparat tilshisi.

«Osy eki jobamen shektelmeı (memleket júzege asyratyn eki joba) operatorlar optıkany aýyl úılerine tartyp jatyr. Mysaly jeke ınvestorlar «Transtelekommen» birigip Jambyl oblysynda 50 aýylda 10 myńnan astam úıge tirkelgen ınternetti tartýda. Basqa óńirlerdiń ákimderine bul mysaldy iske asyrýdy suraımyz», - dedi Baǵdat Mýsın Úkimet otyrysynda.

Mınıstrdiń aıtýynsha qazirgi ýaqytta keı adamdar radıofobııalyq úreı bar. Mysaly elordadaǵy «Family Village» kesheninde 2-3 turǵynynyń aryzy boıynsha bazalyq stantsııa alynyp tastalyp, ınternet óship qalǵan.

«Odan keıin jaqyn jerden qaıtadan baılanys operatory bazalyq stantsııany ornatýǵa májbúr boldy. Biraq búgingi tańda ınternet gaz, elektroenergııa, sý sııaqty birinshi qajettilikke aınalǵanyn eskerý kerek», - dedi ol.