Jambyl oblysynda 35 tonnadan astam qarasora joıyldy

TARAZ. QazAqparat – Jambyldyq polıtseıler jaz mezgili bastalǵaly 35 tonnadan astam jabaıy qarasorany joıdy, - dep habarlaıdy QazAqparat tilshisi.

1 maýsymynan bastap keń aýqymdy «Qarasora-2021» jedel-aldyn alý is-sharasy ótip jatyr. Soǵan oraı, óńirde esirtkiniń zańsyz aınalymyna qarsy is-qımyl jónindegi is-sharalar josparyn oryndaý sheńberinde esirtkiniń joıýǵa qatysty kóshpeli komıssııa qurylǵan bolatyn.

«17 tamyzda «Qarasora-2021» respýblıkalyq jedel-aldyn alý is-sharasy barysynda Jambyl oblysynyń Polıtsııa departamenti Esirtki qylmysyna qarsy is-qımyl basqarmasynyń qyzmetkerleri Merki aýdanynyń qumǵa jaqyn aýmaǵynda 5,5 gektar alqapty shaýyp, keıinnen órteý arqyly 5 tonna 102 keli jabaıy qarasorany joıdy», - delingen polıtsııa departamenti baspasóz qyzmetiniń habarlamasynda.

Sondaı-aq, habarlamada, profılaktıkalyq is-shara bastalǵannan beri barlyǵy 35 tonnadan astam jabaıy qarasora joıylǵandyǵy jazylǵan.