Jambyl oblysynda 27 jedel járdem kóligi paıdalanýǵa berildi

ASTANA. QazAqparat - QR Tuńǵysh Prezıdenti kúnine oraı Jambyl oblystyq jedel járdem stansasyna 27 avtokólik kilti tabystaldy, dep habarlaıdy QazAqparat oblys ákimdigine silteme jasap.

«Memleket basshysy Nursultan Nazarbaev «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna Joldaýynda medıtsınalyq qyzmet sapasy halyqtyń áleýmettik kóńil-kúıiniń asa mańyzdy komponenti bolyp sanalatynyn erekshe atap ótti. Halyq densaýlyǵyn arttyrý men medıtsınalyq qyzmettiń qoljetimdiligin qamtamasyz etý maqsatyndaǵy bul ıgi is barshamyz úshin mańyzy men mártebesi bólek merekege tuspa-tus kelip otyr. Oblys ortalyǵy men aýdandarǵa berilgen 27 avtokólik oblysymyzdaǵy medıtsınalyq qyzmettiń sapasyn arttyraryna senimdimiz» - dedi Jambyl oblysy ákiminiń orynbasary Erkebulan Daýylbaev saltanatty tabystaý rásiminde. 

Sondaı-aq, oblys ákiminiń orynbasary medıtsına salasynda atqaralyp jatqan aýqymdy jumystarǵa toqtalyp, oblysta memlekettik-jekeshelik áriptestik aıasynda qajetti 95 nysan salý josparlanyp, bıyl 30 nysan, 2019 jyly - 40 nysan, 2020 jyly - 25 nysan salynatynyn jetkizdi.

Jambyl oblystyq jedel járdem stansasyna berilgen 27 arnaıy avtokólik oblys ortalyǵy men aýdandarǵa úlestirildi. Atap aıtqanda:

Taraz qalasy - 4 avtokólik.

Jambyl aýdany - 5 avtokólik.

Baızaq aýdany - 2 avtokólik.

Jýaly aýdany - 1 avtokólik.

Qordaı aýdany - 5 avtokólik.

Merki aýdany - 1 avtokólik.

Moıynqum aýdany - 2 avtokólik.

Talas aýdany - 1 avtokólik.

T.Rysqulov aýdany - 1 avtokólik.

Shý aýdany - 4 avtokólik.

Sarysý aýdany - 1 avtokólik.