Jambyl oblysynda 24,9 gektar jer aýylsharýashylyq aınalymyna qaıtarylady

TARAZ. QazAqparat - Oblys ákimdiginde aýyl sharýashylyǵyna qajetti jerlerdi tıimdi paıdalaný máselesi talqylandy, dep habarlaıdy QazAqparat tilshisi.

Óńir basshysy Asqar Myrzahmetov jer resýrstaryn paıdalanýdyń tıimdiligin arttyrý qajettigin atap kórsetti.

Oblysta jerdi maqsatty paıdalaný salasynda sheshimin kútip otyrǵan máseleler jetkilikti. Máselen, Jambyl aýdanynda jekemenshikke jer bólip jatqanda jergilikti bılik ókilderi tarapynan kemshilikterge jol berilgen, Baızaq aýdanynda jerdi óz betinshe ıemdenip alý faktisi anyqtalǵan, al Merki aýdanynda jer sanattary negizsiz ózgertilgen.

Eske sala keteıik, byltyr júrgizilgen tekserister barysynda 100-ge jýyq jer zańdylyǵyn buzý faktileri tirkelip, 23 tulǵaǵa jalpy somasy 3,5 mln teńge aıyppul salynǵan, 69 sharýa qojalyǵy paıdalanylmaı jatqan jerlerin aýyl sharýashylyǵy aınalymyna engizýge mindettelgen bolatyn.

Aldaǵy úsh jylda óńirde paıdalanylmaı jatqan 24,9 myń gektar aýylsharýashylyq aınalymyna qaıtarylady. Ákimdik ókilderiniń aıtýynsha, qazir aýyldarda semınarlar, jer zańdylyǵy boıynsha túsindirý jumystaryn ótkizý josparlanyp otyr.

Buǵan deıin oblysta sońǵy 5 jylda paıdalanylmaı jatqan 553 myń gektar aýyl sharýashylyǵy  jerleri anyqtalyp, memleketke qaıtarylǵanyn habarlaǵan bolatynbyz.