Jambyl oblysynda 22 myńnan astam adamdy jumyspen qamtýdyń belsendi sharalaryna tartý josparlanýda
Brıfıngi barysynda ol Jambyl oblysynda 2014-2015 jyldary «Órleý» ilki baǵdarlamasyn engizý júrgizilgenin, onyń aýqymynda 2014 jyldan beri belgili bir aqshalaı kómek taǵaıyndalǵanyn atap ótti.
Memleket basshysynyń «Bes ınstıtýtsıonaldyq reformalardy júzege asyrý jónindegi 100 naqty qadam» Ulttyq josparynda baıandalǵan tapsyrmasyn oryndaý maqsatynda 2015 jylǵy 28 qazanda «Qazaqstan Respýblıkasynyń halyqty áleýmettik qorǵaý máseleleri boıynsha keıbir zańnamalyq aktilerine ózgerister men tolyqtyrýlar engizý týraly» zańy qabyldandy, ol 2018 jyldyń qańtarynan kúshine enedi.
J.Baýbekovtiń atýynsha, 2015 jyldyń 12 aıynda 1788 otbasyndaǵy 9694 adamǵa 420,4 mln. teńge kóleminde shartty aqshalaı kómek taǵaıyndaldy. Kómek alǵan otbasylar ishinen 5511 eńbekke qabiletti jastaǵy adam áleýmettik qoldaýdyń belsendi formalaryna tartyldy (turaqty jumys oryndaryna 1794 adam, aqyly qoǵamdyq jumystarǵa - 928 adam, «Jumyspen qamtý-2020» jol kartasy aýqymyndaǵy jumystarǵa - 1768 adam, jastar praktıkasyna jáne qaıta oqytýǵa 718 adam, áleýmettik jumys oryndaryna - 303 adam jiberildi.
«2015 jyldyń qorytyndylarymen Jumyspen qamtýdyń belsendi keshendi josparyna sáıkes 26256 adam (jospar - 18826 adam, 139,5-ǵa oryndaldy) qamtyldy, sonyń ishinde 17 642 adam turaqty jumystarǵa, 1146 adam ýaqytsha jumys oryndaryna ornalastyryldy, sondaı-aq aqyly qoǵamdyq jumystarǵa - 3574 adam, áleýmettik jumys oryndaryna - 1096 adam, jastar praktıkasyna - 1394 adam, kásibı oqytýǵa - 702 adam tartyldy, 402 adam shaǵyn nesıe aldy», - dep atap ótti Jorabek Baýbekov.
2016 jyly jumyspen qamtýdyń belsendi sharalaryna 22 myńnan astam adam tartylady, bul maqsattarǵa 11,7 mlrd. teńge, sonyń ishinde oblys bıýdjetinen 4,6 mlrd. teńge kózdelgen.