Jambyl oblysynda 21 tonnadan asa jabaıy qarasora joıyldy
Jambyl oblysynyń polıtsııa qyzmetkerleri esirtki qylmysymen ǵana emes, jabaıy ósimdiktermen de kúresýde. Polıtsııa departamenti esirtki qylmysyna qarsy is-qımyl basqarmasynyń qyzmetkerleri men jergilikti atqarýshy bılik ókilderi ýchaskelerdi orý, shabý, órteý jáne ýly hımıkattardy qoldaný arqyly esirtkilerdi joıýda. Tek bir Baızaq aýdanynda shabý jáne órteý arqyly 18,7 gektar jerdegi 20 tonna 456 keli jabaıy qarasora joıyldy.
Jambyl oblystyq polıtsııa departamenti bastyǵynyń orynbasary-polıtsııa polkovnıgi Nurjan Rahmetýllaevtyń habarlaýynsha, bıyl bes aı ishinde oblys aýmaǵynda 224 esirtki qylmysy anyqtalǵan. Onyń 45-i esirtki ótkizý, 34-i esirtkini asa iri mólsherde saqtaý, 3-i esirtki quraldaryn nasıhattaý nemese zańsyz jarnamalaý deregi bolsa, 6-y esirtki kontrabandasy.
Sondaı-aq, zańsyz aınalymnan 540 kelige jýyq esirtki alynǵan. Onyń ishinde 519 kelige jýyǵy marıhýana, 16 kelideıi gashısh, 38 gramy geroın, 21 gramy sıntetıkalyq esirtki quraldary.
Aıta keteıik, 1 maýsymda bastalǵan «Qarasora-2023» jedel-aldyn alý is-sharasy aıasynda jyl saıyn polıtseıler qumdy aımaqtardan jabaıy qarasorany áketý arnalaryn jabý boıynsha operatsııalar júrgizedi.
Buǵan deıin Jambyl oblysynyń turǵyny baqshasynda qarasora ósirgenin habarlaǵan bolatynbyz.