Jambyl oblysynda 200 bala Prezıdenttiń jańajyldyq syılyǵyna ıe boldy

TARAZ. QazAqparat – Jambyl oblysynda 200 balaǵa QR Prezıdentiniń jańajyldyq syılyǵy tabystaldy, dep habarlaıdy QazAqparat tilshisi.

Jambyl oblysyndaǵy ata-ana qaraýynsyz qalǵan, jetim, kópbalaly jáne az qamtylǵan otbasydan shyqqan, erekshe bilim berýdi qajet etetin 9-13 jas aralyǵyndaǵy 200 balaǵa QR Prezıdenti atynan

jańajyldyq syılyqtar taratyldy. Atap aıtsaq, balalar Memleket basshysy atynan quttyqtaý hat, eki tildegi «Uly Abaı» entsıklopedııasy men «Qazaq ertegileri» jınaǵy, tátti syılyqtar jáne aqshalaı sertıfıkat aldy.

Atalǵan syılyqqa Taraz qalasyndaǵy ómirlik qıyn jaǵdaıdaǵy balalardy qoldaý ortalyǵynyń tárbıelenýshileri de ıe boldy.

Sondaı-aq, óńirdegi 100 balaǵa oblys ákimi atynan syılyqtar tabystaldy.

Aıta ketý kerek, pandemııa jaǵdaıyna baılanysty jáne QR Bilim jáne ǵylym mınıstrliginiń hatyna sáıkes bıylǵy jyly oblysta Qazaqstan

Respýblıkasynyń Prezıdenti, oblys ákimi jáne qala jáne aýdan ákimderi atynan Jańa jyldyq shyrsha keshi uıymdastyrylmaıdy.