Jambyl oblysynda 2 jasar bala poıyz astyna túsip, mert boldy

MALDYBAI. QazAqparat – Jambyl oblysynda eki jasar bala temirjol boıyna júgirip shyǵyp, poıyz astyna tústi. Bul týraly «Qazaqstan temir joly» kompanııasynyń baspasóz qyzmetinen málim etti, dep habarlaıdy QazAqparat.

Qaıǵyly oqıǵa 4 naýryz kúni, saǵat 17:52-de Jambyl oblysy, Maldybaı stansasynda bolǵan. Oqıǵa kezinde sábı qaýipti aımaqta eresekterdiń qaraýynsyz júrgen. Aldyn ala málimet boıynsha, balanyń otbasy temirjolǵa jaqyn jerde turady.

«Qazaqstan temir joly» UK» AQ balanyń jaqyndaryna qaıǵyra kóńil aıtady. Jol qyzmetkerleri balalardy temirjol, vokzal perrondarynda qaraýsyz qaldyryp ketýdiń qanshalyqty qaýipti ekenin eske salady», - dedi kompanııadan.