Jambyl oblysynda 17 tonnaǵa jýyq jabaıy qara sora órteldi

TARAZ. QazAqparat – Jambyl oblysynda polıtseıler 16,5 tonnadan astam jabaıy qarasorany joıdy, dep habarlaıdy QazAqparat tilshisi.

Bıylǵy jyldyń 1 maýsymynan bastap keń aýqymdy «Qarasora-2021» respýblıkalyq jedel-aldyn alý is-sharasy ótýde.

Esirtki quraldarynyń zańsyz aınalymyna qarsy is-qımyl jónindegi is-sharalar josparyn oryndaý sheńberinde aýyl sharýashylyǵy tehnıkasyn tarta otyryp, esirtki quraldaryn joıý jónindegi kóshpeli komıssııa qurylǵan bolatyn.

Jambyl oblysynyń Polıtsııa departamenti Esirtki qylmysyna qarsy is-qımyl basqarmasynyń qyzmetkerleri jıyrma kún ishinde Shý, Turar Rysqulov jáne Baızaq aýdandarynyń 450 gektar jer aýmaǵynda jabaıy qarasorany shabý arqyly 16 tonna 742 keli «sora tuqymdas ósimdikti» órtedi. Bul týraly atalǵan departamenttiń baspasóz qyzmeti habarlady.