Jambyl oblysynda 17 myń kásipkerge kómek kórsetildi – «Atameken» UKP
«Bizdiń oblysta 76 myń sýbekti bar, bul ortasha kórsetkishten joǵary, onyń 17 myńy sharýa qojalyqtary, 40 myńy jeke kásipkerler. Bul rette kásipkerlik sýbektileriniń 80% qyzmet kórsetý salasynda, 2 myńy óńdeýshi ónerkásipte jumys isteıdi. 2015 jyldan bastap «Atameken» UKP birqatar qarjylyq qoldaý sharasyn, 4 mamandandyrylǵan qyzmet – býhgalterlik jáne salyqtyq esep, statıstıkalyq esep berý, zańgerlik kómek, qarjylandyrý qyzmetterin kórsetýde», – dedi Kásipkerler palatasy dırektorynyń orynbasary Aıdar Ábdiqadyrov baspasóz týry barysynda.
Oblysta 17 myń kásipkerlik sýbektisine kómek kórsetilip, olarǵa 21 myńnan astam qyzmet usynylǵan.
«Býhgalterlik esep jáne salyq esebiniń qyzmetine suranys joǵary. Shaǵyn jáne orta bıznes sýbektilerinde kóbinese shtattyq zańgerler nemese býhgalterler joq. Ekinshi qural – aqparattyq-analıtıkalyq qoldaý. 2015 jyldan beri 34 myń sýbektige 80 myń qyzmet kórsetildi. Negizgi mindet – aýyldar men monoqalalardaǵy kásipkerlik bastamany keńeıtý», – deıdi ol.
Іsin jańadan bastaǵan kásipkerge memlekettik qoldaý sharalary boıynsha keńes beriledi, palata zańgerleriniń kómegimen JK, JShS ashady. Olar oǵan bıznes-jospar jazýǵa kómektesip, barynsha qoldaý kórsetedi. Oblysta 13 260 astam sýbekti óz isin ashyp, jumys jasap jatyr.
«Úshinshi qural – iskerlik baılanystar, - dep túsindirdi spıker. Shetelde osyndaı beıindegi kásiporyndardan taqyryptyq bıznes-taǵylymdamalardan ótý, jabdyqtar men tehnologııalar satyp alý. Bul qyzmetti 4 kásipker paıdalandy. Bıznesti júrgizý boıynsha bizde tutas zań blogy bar», – dep tolyqtyrdy Aıdar Ábdiqadyrov.
Baspasóz týry aıasynda jýrnalıster Jambyl oblysyndaǵy kásiporyndardy aralady. Jambyl oblysynda «Abdrahmanov» JK mal sharýashylyǵymen aınalysady. «Atameken» UKP qyzmetkerleriniń keńestik kómeginiń arqasynda 2021 jyly jylqy satyp alý úshin 92 mln teńgege jeńildetilgen nesıe aldy. «TD» Velles» JShS Kásipkerler palatasynyń KKO-syna nesıe alýǵa ótinish bildirdi. Menedjer-keńesshi bıznes-jospar qurýǵa kómektesti. Búginde kompanııa shyǵaratyn ónimderin–medıtsınalyq jáne bilim berý ortalyqtaryna, mektepterge, balabaqshalarǵa, mekemelerge arnalǵan jıhaz jelisin keńeıte otyryp, óz bıznesin qarqyndy damytyp otyr. Jambyldyq «Taraztemir-prom» kásiporny qurylys materıaldaryn shyǵaratyn qural-jabdyqtar shyǵarady. KKO tarapynan bıznes-jospar, is-qaǵazdar boıynsha kómek kórsetildi.
Avtor: Galına Skrıpnık