Jambyl oblysynan shetelge kóshkender kóbeıip keledi
Jambyl oblystyq polıtsııa departamentine baǵynysty kóshi-qon qyzmeti basqarmasy bastyǵynyń orynbasary, polıtsııa podpolkovnıgi Jaras Sátbergenovtyń aıtýynsha, qonys aýdarǵandardyń 42-si Reseıge, 23-i Qyrǵyz eline jáne 12-si Germanııaǵa kóshken. Ózgeleri Ázerbaıjan, Ulybrıtanııa, Grekııa, Túrkııa, Ózbekstan, Túrkimenstan memleketterin tańdaǵan.
Al byltyr oblystyń 784 turǵyny el aýmaǵynan tys jerge kóshýge ótinish bergen.
Jalpy, resmı málimetterge súıensek, syrtqa ketken azamattardyń eń joǵarǵy kórsetkishi oblysta 1989 jyldan bastap, 1996 jylǵa deıingi kezeńde tirkelgen. Sol jyldan bastap 2016 jylǵa deıin bul kórsetkish birshama turaqtaǵan. Biraq, sońǵy 2-3 jyl kóleminde shekara asyp, qonys aýdarýshylar qatary qaıta kóbeıgen.
Aıta keteıik, buǵan deıin biz Jambyl oblysynda úsh aıda 13 azamat ultyn aýystyrýǵa ótinish bergenin jazǵan bolatynbyz.
Sondaı-aq, jalpy, oblysta anyqtama derekterin ózgertý úshin 528 adam ótinish bildirgen. Onyń ishinde 501 azamat tegin aýystyrǵysy kelse, 14-i týǵan kúni men jylyn ózgertýdi qalaǵan. 13-i tipti, ózge ult ókili atanǵysy kelgen.