Jambyl oblysynan Iran men Bahreınge halal ónimder eksporttalatyn bolady
Jambyl oblysynyń Merki aýdanyndaǵy et kombınaty damýdyń jańa deńgeıine shyqty. «Merki et kombınaty» JShS eki ırandyq kompanııamen qoıdy eksporttaý jóninde kelisim jasasty. Osyǵan sáıkes, 4 myń tonna etti jetkizý josparlanǵan. Ótken jyly Iranǵa 200 tonna qoı eti jetkizilgen. Kásiporyn toqtap qalýǵa májbúr bolǵannan keıin qaıta iske qosylyp, jyldyń basynan bastap taǵy da 200 tonna et eksporttady.
«Merki et kombınaty» JShS dırektorynyń orynbasary Sultan Álıasqarovtyń aıtýynsha, kásiporyn birden 20 tonna etti eksportqa jónelte alady. Munda kúnine 150-den 300 qoıǵa deıin soıylady.
«Іri qara mal etiniń eksporttyq áleýetin damytý» keshendi jobasynyń aıasynda aýdanda reprodýktıvti sharýashylyqtardyń, mal soıý alańdarynyń qurylysy júrip jatyr, sharýa qojalyqtary damý ústinde. Qoı jáne iri qara mal ósirýmen aınalysatyn «Olja», «AR-AS», «Nart», «Neılıa-S», «Qasaphana», AO «Merki asyl tuqymdy zaýyty» syndy iri jeti sharýa qojalyǵy jáne 6 mal soıý alańdary bar.
Ótken jyly «Merki et» JShS-nyń et kombınaty qaıta salyndy. Ol jylyna 250 myń tonna shujyq ónimderi men 262 quty et konservilerin beredi. Jobanyń quny - 621 mln tonna. Sondaı-aq, 3 myń iri qara mal basyna arnalǵan mal bordaqylaıtyn alań salynyp jatyr.
«Merki asyl tuqymdy zaýyty» AQ-da qystaýdyń ınfraqurylymy jańartylyp, baqtashylarǵa arnalyp 20 úı, qoı ustaý úshin arnaıy 18 úı-jaı salyndy. Qurylysty álemdik standarttarǵa sáıkes kanadalyq tehnologııalyq úlgi boıynsha «Agrostan» JShS saldy. Jobanyń quny 740 mln teńge boldy.