Jambyl oblysy mal sany boıynsha respýblıkada ekinshi orynda tur

TARAZ. QazAqparat - Jambyl oblysy mal sany boıynsha ekinshi orynda. Bul týraly óńirlik kommýnıkatsııalar qyzmetinde oblystyq veterınarııa basqarmasynyń basshysy Nurjas Qurmantaev málimdedi, dep habarlaıdy QazAqparat tilshisi.

Basqarma basshysynyń aıtýynsha, 4 aıda aýyl sharýashylyǵy janýarlaryn birdeılendirý derekqorynda barlyǵy 4,5 mln bas aýyl sharýashylyǵy janýary tirkelgen.

Onyń 522 myń basy - iri qara, 3,8 mln - usaq mal, 8 myń bas - shoshqa, 180 myń bas - jylqy, 7,5 myń bas - túıe maly.

Oblys osylaısha mal sany jóninen respýblıka boıynsha ekinshi orynda.

Brıfıng barysynda basqarma basshysy oblysta atqarylyp jatqan jumystarǵa keńinen toqtaldy.

«Dezınfektsııalyq dári-dármekke berilgen ótinimge sáıkes, oblystyq bıýdjetten tikeleı aýdandarǵa barlyǵy 83 ml 842 myń teńge bólinip, akaratsıd preparattary satyp alyndy. 24 eldi mekende jeke qosalqy sharýashylyqtar ıeligindegi múıizdi iri qaranyń analyq basyn qoldan uryqtandyrý josparlandy. Budan bólek, veterınar mamandardyń mártebesin aıqyndaý jáne veterınarııa salasyn tsıfrlandyrý baǵytynda qoldanystaǵy zańnama aıasynda veterınar mamandar azamattyq qyzmetshiler qataryna qosyldy. І-ІІ patogendi aýrýlarmen jumys atqaratyn veterınar dárigerlerdiń jalaqysy 35-50 paıyz aralyǵynda kóterildi», – dedi Nurjas Qurmantaev.

Aıta keteıik, buǵan deıin fermerlerdiń atynan sýbsıdııa alyp kelgender áshkerelengenin jazǵan bolatynbyz.