Jambyl oblystyq orys drama teatrynyń 53-maýsymy ashyldy

TARAZ. QazAqparat – Jambyl oblystyq orys drama teatry 53-maýsymynyń shymyldyǵyn túrdi. Teart ujymy bul joly kórermenderin kóptegen jańa ári tyń týyndylarynmen qýantpaq , dep habarlaıdy QazAqparat tilshisi.

Jańa maýsymnyń alǵashqy spektakli - «Pýst na Golgofý». Bul qoıylym «Rýhanı jańǵyrý» baǵdarlamsy aıasynda, Elbasy Nursultan Nazarbaevtyń «Uly dalanyń jeti qyry» maqalasy negizinde somdalǵan. Onda án padıshasy, qazaqtyń altyn daýysy, teatr negizin qalaýshy Ámire Qashaýbaevtyń ómiri beınelengen. Ataqty ánshiniń ómir jolynda Parıjge baryp, úlken dúbir, báseke jarysta basqalarǵa jol bermeı, júlde alyp, qazaq ánin júz qubyltyp, myń túrlendire salǵan maıtalmandyǵy sheber kórinis tabady. Odan bólek halqynyń alǵysy men súıispenshiligine bólengen Ámire Qashaýbaevtyń ómirlik jarymen birge bolǵan kúnderi kórermen júreginen oryn aldy.

Qoıylymǵa ıdeıa avtory, Májilis depýtaty, «Aq jol» partııasynyń tóraǵasy Ahat Perýashev búgin arnaıy keldi. Óner ordasynyń kórkemdik jetekshisi Kamat Kasenov jańa maýsymda teatr kórermenderin kóptegen qyzyqtar kútip turǵanyn atap ótti.

Jańa qoıylymdy kórýge ónersúıer qaýym kóp jınaldy. Jarqyn kórinister, sáni men symbaty jarasqan sahna, shyǵarmashylyq tájirıbeler... Árıne, bunyń barlyǵy akterlik quramnyń jemisti eńbegi. Al teatr ujymy alda jambyldyq kórermender úshin budan da qyzyqty, tamasha týyndylardy daıyndaýǵa ázir.