Jambyl murasyn túrki álemine tanytqan dıplomat arnaıy syılyqqa ıe boldy
Jas dıplomat Málik Otarbaevqa Halyqaralyq Jambyl syılyǵyn tabys etý týraly sheshimdi Jambyl Jabaev atyndaǵy atyndaǵy qordyń tóralqasy shyǵarǵan. Óıtkeni, Málik Otarbaev shyǵarmalaryn túrik, qazaq tilderinde jazyp qana qoımaı, qazaq aqyn-jazýshylaryn túrki álemine tanytyp keledi. Atalǵan syılyq pen tósbelgi Jambyl óleńderi men ol týraly maqalalardy túrik tiline aýdaryp, tanytqany úshin berilip otyr.
Málik Otarbaev 2014-2016 jyly QR Mádenıet jáne sport mınıstrliginiń Halyqaralyq túrki mádenıetin damytý uıymy TÚRKSOI-daǵy ókili qyzmetin atqarǵan 2016 jyldyń sáýir aıynan bastap, Qazaqstan Respýblıkasynyń Túrkııadaǵy Elshiliginde dıplomatııalyq qyzmetke kiristi.
Ol túrik tiline «Súıinbaı Aronuly» óleńder men esse jınaǵyn, Sh.Murtazanyń «Aı men Aısha» romanyn, N.Orazalınniń «Qozdaǵy shoq» jyr kitaby men T.Medetbektiń «Sońǵy sóz aldyndaǵy sońǵy sóz» kitabyn, U.Esdáýlettiń «Jyrlar» óleńder kitaby men R.Otarbaevtyń «Aq kóbelekter» áńgimeler jınaǵyn, N.Orazdyń «Adasqan juldyz» atty pesasy men shyǵarmalaryn, T.Nurmaǵambetovtyń «Biz - túriktermiz» pesasyn, A.Kemelbaevanyń «Myń tasbaqa» pesasy men Ǵ.Mutanovtyń «Ýaqyttyń rýhymen syrlasý» poetıkalyq esse jınaǵyn túrik tiline aýdarǵan.
Qazaq jazýshylarynyń shyǵarmalaryn qamtyǵan «Húzún Kýshaǵy» (Syrlas býyn) atty áńgimeler antologııasyn aýdaryp, túrki tilinde bastyrǵan.
Qazaq tiline ıÝnýs Ámreniń 100 óleńi kitaby, H.Tanerdiń «Qyzǵanshaq kisiniń qý áıeli» shyǵarmalar jınaǵy, S.Pashazade Sezaı, O.Seıfettın, R.Halıt Karaı, R.Nurı Gúntekın, R.Ylgaz, K.Kondýk, H.Taner, M.Izgıý, M.Kýtlýnyń áńgimelerin aýdarǵan. Budan bólek, «Súıinbaı Aronuly» óleńder jáne esseler jınaǵyn, «Húzún Kýshaǵy» (Syrlas býyn) atty áńgimeler antologııasyn, «O.Súleımenovtiń 10 túrki tilderindegi jyrlary» óleńder jınaǵyn, «Sana sáýletshisi» maqala men zertteýler jınaǵyn, «Sáýleli sózdiń shýaǵy» maqalalar jınaǵyn qurastyryp, Ǵ.Músirepovtiń «Ulpan» romanyn, «T.Ábdiktiń ómirbaıany men áńgimeler jınaǵyn», S.Elýbaıdyń «Aq boz úı» romanyn, M.Baıǵuttyń «Daýystyń túsi» áńgimeler jınaǵyn, B.Nurjekeulynyń «Bir ókinish, bir úmit» romanyn, A.Ashırıdiń «Idıkýt» romanyn, N.Qapalbekulynyń «Qus qanaty» áńgimeler jınaǵyn redaktsııalap, baspaǵa usyndy.
Túrik tilinde jazǵan kórkem áńgimeleri sheteldik jáne respýblıkalyq baspasóz betterinde jaryq kórdi. Ázerbaıjan, orys, qyrǵyz tilderine aýdaryldy. Qazaqstannyń Reseı Federatsııasyndaǵy elshiliginiń qoldaýymen jaryq kórgen «Kazahstan-Rossııa: lıteratýrnyı almanah» atty jınaqqa «Búrjarǵan» atty áńgimesi endi (2016 j.). Qazaqstan Jazýshylar Odaǵynyń múshesi, basqarma múshesi jáne hatshysy. Qazaqstan Jastar Odaǵy «Serper» syılyǵynyń laýreaty. «Aq Jaıyq» jýrnalynyń J.Nájimedenov atyndaǵy syılyqtyń jáne «Jalyn» jýrnalynyń Ǵ.Músirepov atyndaǵy syılyqtyń ıegeri.
Qazaq aqyny S.Aronulynyń 200 jyldyq mereıtoılyq medalimen, qyrǵyz kompozıtory J.Sheralıevtiń 100 jyldyq estelik medalimen, ál-Farabı atyndaǵy Qazaq Ulttyq ýnıversıtetiniń 80 jyldyq mereıtoılyq medalimen, «Qazaqstan-Túrkııa dostyǵy» medalimen marapattalǵan. Almaty oblysy Jambyl aýdanynyń Qurmetti azamaty.
Aıta keteıik, 2017 jyldyń 20-24 qarasha kúnderi Qazaqstan men Túrkııa arasyndaǵy dıplomatııalyq qarym-qatynastardyń 25 jyldyǵy aıasynda ári «Rýhanı jańǵyrý» memlekettik baǵdarlamasyn júzege asyrý maqsatynda Atyraý oblysy Mahambet atyndaǵy dramalyq teatry Túrkııanyń Ankara, Malatııa qalasynda jáne Qahramanmarash provıntsııasy Afshın mýnıtsıpalıtetinde Málik Otarbaevtyń «Baıandy baq» spektaklin sahnalady.