Jambyl Ahmetbekovtiń shtaby qyzylordalyq dárigerlermen kezdesti

QYZYLORDA. QazAqparat - Qyzylordada oblystyq saılaýaldy shtab jetekshisi jáne partııalyq komıtettiń belsendileri «Oblystyq medıtsına ortalyǵynyń» qyzmetkerlerimen kezdesti. Bul týraly Qazaqstannyń kommýnıstik halyq partııasynyń baspasóz qyzmeti habarlady.

Eń aldymen oblystyq shtab ókilderi ortalyqtyń ujymymen jáne qyzmetimen tanysty.

Óńirlik shtab basshysy T. Teleýbaev QKHP-nyń Májiliste memlekettik deńgeıde jumysshy taptyń múddesin qorǵaý múmkindigi bar ekenin aıtty. Partııa ókilderi áleýmettik-ekonomıkalyq sıpattaǵy máselelerdi kóteredi, sonyń ishinde depýtattardyń medıtsına salasyna qatysty kótergen máseleleri erekshe atalyp ótti.

Jıynda T. Teleýbaev saılaýaldy tuǵyrnamanyń negizgi baǵyt-baǵdaryna toqtaldy. Sonymen qatar, ol partııa adam ómiriniń sapasyn arttyrý boıynsha memlekettik saıasattyń iske asyrylyp jatqan strategııalyq basymdyqtaryn qoldaıtynyn jáne medıtsına salasy qyzmetkerlerimen qatar halyq salaýaty úshin eńbek etýdi óziniń boryshy sanaıtynyn atap ótti.

Spıkerlerdiń sózinen keıin kezdesýge jınalǵandar kókeıdegi suraqtaryn qoıdy. Onyń basym bóligi medqyzmetkerlerdiń jalaqysyn kóterý, baspanamen qamtý, kadr tapshylyǵy jáne taǵy basqa máselelerge qatysty boldy.