Jambyl Ahmetbekov shtaby Taldyqorǵan men Kókshetaýda sharalar ótkizdi

TALDYQORǴAN. QazAqparat - Balalardy qorǵaý kúnine oraı Taldyqorǵanda qyzyl áýe sharlaryn ushyrý sharasy uıymdastyryldy. Aktsııaǵa Qazaqstan kommýnıstik halyq partııasy atynan QR Prezıdenttigine úmitker Jambyl Ahmetbekov qatysty, dep habarlaıdy «QazAqparat» HAA.

Kókshetaýda saılaýaldy shtabtyń uıymdastyrýymen ánshiler men partııa komıteti belsendileriniń qatysýymen flesh-mob ótkizildi. Budan ózge shara barysynda QKH partııasynan saılaýǵa túsip otyrǵan úmitkerdiń saılaýaldy baǵdarlamasy túsindirildi.

Aıta keteıik, 11 mamyrda Qazaqstanda prezıdenttikke kandıdattardyń saılaý aldyndaǵy úgiti bastaldy. QR Ortalyq saılaý komıssııasy Qazaqstan Prezıdenttigine úmitker 7 kandıdatty tirkedi.

27 mamyrda QR Prezıdenttigine úmitker Jambyl Ahmetbekovtiń senimdi ókilderi Taraz qalasynyń belsendi jastarymen jáne «Taraz q. Qazaqstan Kommýnıstik jastar odaǵynyń» ókilderimen kezdesti.

Prezıdenttikke úmitker Danııa Espaeva men saılaýaldy shtab jetekshisi Azat Perýashev Nur-Sultan qalasyndaǵy gýmanıtarlyq-zań kolledjinde jas saılaýshylarmen kezdesti. Oqytýshylar men stýdentter úmitkerdiń saılaýaldy baǵdarlamasymen tanysty.

Ámirjan Qosanov shtabynyń belsendileri tórt óńirde kezdesýler ótkizdi.

Sádibek Týgeldiń belsendileri óner jáne qolónerden master-klass uıymdastyrdy. Tóleýtaı Rahymbekovtiń qoǵamdyq shtaby 300-ge jýyq is-shara ótkizdi.

28 mamyrda Qasym-Jomart Toqaevtyń respýblıkalyq qoǵamdyq shtaby Túrkistan oblysynda boldy.