Jambyl Ahmetbekov shtaby saılaýaldy úgit naýqanyn qorytyndylady

NUR-SULTAN. QazAqparat - Nur-Sultan qalasynda QR Prezıdenttigine úmitker Jambyl Ahmetbekovty qoldaý maqsatynda «Ashyq aspan astynda» atty dástúrli fleshmob uıymdastyrylyp, respýblıkalyq shtabtyń eseptik jıyny ótti. Bul jóninde Qazaqstan kommýnıstik halyq partııasynyń baspasóz qyzmeti habarlady.

7 maýsymda Ortalyq saıabaq aýmaǵynda QR Prezıdenttigine úmitker Jambyl Ahmetbekov pen onyń jaqtaýshylary «Ashyq aspan astynda» atty fleshmob ótkizdi. Іs-shara barysynda Jambyl Ahmetbekov sóz alyp, Qazaqstan kommýnıstik halyq partııasy qarapaıym halyq múddesin qorǵaýdy maqsat etetinin málimdedi.

Shara sheńberinde respýblıkalyq saılaýaldy shtab jetekshisi Aıqyn Qońyrov barlyq qatysýshylarǵa saılaýaldy úgit-nasıhat barysynda belsendilik tanytqany úshin alǵys bildirdi.

Jıyn aspanǵa kógershin ushyrý aktsııasymen jalǵasyp, belsendilerdiń sap túzep, qanat belgisin salýymen aıaqtaldy. Fleshmob barysynda kópshilikke úgit materıaldary taratyldy.

Іs-sharadan soń Jambyl Ahmetbekovtyń respýblıkalyq saılaýaldy shtabynda úgit kampanııasynyń aıaqtalýyna baılanysty eseptik basqosý ótti. Jıynda úmitker úgit-nasıhat jumysy oıdaǵydaı atqarylǵanyn aıtty. Ol saılaýaldy naýqan kezinde birqatar aımaqtardy aralap, saılaýshylarmen kezdesti. Halyqqa úgit ónimderi taratylyp, saılaýaldy tuǵyrnama tanystyryldy.

Jıynda saılaýda partııalyq baqylaý júıesin uıymdastyrý máselesi tilge tıek etilip, QKHP úmitkerin qoldaý sharalarynyń statıstıkalyq deregi alǵa tartyldy.