Jambyl Ahmetbekov shtaby Qaraǵandyda fleshmob uıymdastyrdy

QARAǴANDY. QazAqparat - Oblystyq saılaýaldy shtab Qaraǵandy qalasynda QR Prezıdenttigine úmitker Jambyl Ahmetbekovti qoldaý maqsatynda «Adal eńbek - qoǵam múddesi úshin» degen uranmen fleshmob ótkizdi.

Іs-shara barysynda aspanǵa Qazaqstan kommýnıstik halyq partııasynyń urany jazylǵan shar ushyrylyp, úgit paraqtary taratyldy.

QKHP Qaraǵandy oblystyq saılaýaldy shtabynyń jetekshisi A. Zevahın kommýnıstik ıdeologııa synǵa kóp ushyraıtynyn, alaıda qazirgi kommýnıster burynǵy izasharlarynyń qateligin qaıtalamaı, zaman talabyna saı áreket etip jatqanyn baıandady. Ol saıası qurylym turmysy tómen adamdardyń jaǵdaıyn jaqsartý jolynda qyzmet etip, eńbek adamynyń quqyǵyn qorǵaıtynyn aıtty.

A. Zevahın partııanyń saılaýaldy tuǵyrnamasy kedeılikpen kúreske, sonymen qatar batystyń jalǵan qundylyqtarynan bas tartýǵa úndeıtinin jetkizdi.