Jambyl Ahmetbekov shtaby ardagerlermen kezdesip, shahmattan týrnır ótkizdi

NUR-SULTAN. QazAqparat - 5 maýsym kúni prezıdenttikke úmitker Jambyl Ahmetbekovtiń senim bildirgen tulǵalary Nur-Sultan qalalyq ardagerler keńesimen kezdesti. Bul jóninde Qazaqstan kommýnıstik halyq partııasynyń baspasóz qyzmetine silteme jasap.

Іs-shara barysynda partııanyń jańa múshelerine partııalyq bıletter tabystalyp, shahmat týrnıri uıymdastyryldy.

Kezdesýde QR Prezıdenttigine úmitker Jambyl Ahmetbekovtiń saılaýaldy tuǵyrnamasynyń negizgi tezısteri túsindirildi. Nur-Sultan qalasy saılaýaldy shtabynyń jetekshisi N.Orazhanov pen partııanyń qurmetti ardageri N.Batıýta kezdesýden keıin partııanyń jańa múshelerine saltanatty túrde partııalyq bıletin tapsyrdy. Bul kúni partııa qatary Qazaqstannyń jańa azamattarymen tolyqty.

Bılet tabystaý rásiminen keıin shahmat týrnıri ótti. Týrnırde qalalyq komıtettiń jas belsendileri qala ardagerlerimen jarysty.