Jambyl Ahmetbekov qyzylordalyq ońaltý ortalyǵynda boldy

QYZYLORDA. QazAqparat - QR Prezıdenttigine úmitker Jambyl Ahmetbekov «Talsýat» ońaltý ortalyǵynda bolyp, mekeme qyzmetkerlerimen jáne emdelýshilermen kezdesti. Bul týraly Qazaqstannyń kommýnıstik halyq partııasynyń baspasóz qyzmeti habarlady.

Ortalyq jetekshisiniń sózinshe, mekeme zamanaýı tehnıkamen jabdyqtalǵan jáne óziniń tıimdi emdeý ádisimen tanymal. Kezdesýde Jambyl Ahmetbekov jınalǵan qaýymǵa óziniń saılaýaldy tuǵyrnamasyn tanystyryp, batys mádenıetiniń keri áserine erekshe toqtaldy. Ol QKHP qylmysker olıgarhtardyń elge qaıtarylýyn jáne sotqa tartylýyn talap etetinin málimdedi.

Sondaı-aq úmitker óz partııasy men onyń Parlament Májilisindegi fraktsııasy eńbek adamy, onyń ómiri, zııatkerligi, mádenıeti men salamattylyǵy, el men qoǵamǵa qyzmet etýge degen umtylysy qazaqstandyq saıasattyń bel ortasynda bolýyn talap etetinin atap ótti.

Jıynda, sonymen qatar, ulttyq saıasat, jastardyń patrıottyq tárbıesi, zeınetaqy, eńbek ardagerleri men múgedekterdi áleýmettik qoldaý sharalary máseleleri talqylandy. Kezdesý sońynda kandıdat qatysýshylarǵa rızashylyǵyn bildirip, emdelýshilerge sáttilik tiledi.

Qyzylorda oblystyq saılaýaldy shtabynyń jetekshisi T.Teleýbaev partııa adam ómiriniń sapasyn arttyrý boıynsha memlekettik saıasattyń iske asyrylyp jatqan strategııalyq basymdyqtaryn qoldaıtynyn jáne medıtsına salasy qyzmetkerlerimen qatar halyq salaýaty úshin eńbek etýdi óziniń boryshy sanaıtynyn atap ótti.