Jambyl Ahmetbekov: Qasym-Jomart Toqaevqa tabys tilegim keledi
«Ekzıt-polldyń aldyn ala nátıjesin qarap otyrmyn, tájirıbe kórsetkendeı ekzıt-poll men Ortalyq saılaý komıssııasynyń qorytyndysynyń arasynda úlken alshaqtyq bolmaıdy. Demek osy turǵy da qarastyrýǵa bolady. Jalpy, saılaý barysynda bizdiń shtabtyń qyzmetkerleri eshqandaı zań buzýshylyq tirkemedi. Saılaý qorytyndysyn da kútken durys shyǵar, degenmen ekzıt-poll nátıjesimen arasynda úlken aıyrmashylyq bolmasa, saılaý ádil ótti deýge ábden bolady», - dedi Jambyl Ahmetbekov.
Aıta keteıik, ekzıt-poll nátıjesi boıynsha Qazaqstan KHP atynan úmitker retinde usynylǵan Jambyl Ahmetbekov 3,86% saılaýshylardyń daýsyn jınady.
Sonymen qatar, ol áleýmettik saýalnama- ekzıt-poll dyń nátıjesi boıynsha jeńiske jetken Qasym-Jomart Toqaevqa tabys tiledi.
«Sóz basynda aıtyp ketkenimdeı, ekzıt-poll men OSK qorytyndysynyń arasynda úlkne alshaqtyq bola bermeıdi. Biz tájirıbeli mamandarmyz deýge bolady, partamenttik, prezıdenttik saılaýǵa buǵan deıin qatysqan bolatynbyz. Sol tájirıbeme súıene otyryp Qasym Jomart Toqaevqa tabys tilegim keledi. Demek onyń baǵdarlamasy saılaýshylarǵa jaqyn boldy degen sóz. Osyǵan qaramastan jeńiske jetken úmitkerge qarsy shyqpastan óz baǵdarlamamyzd qatar alyp júretin bolamyz», - dedi sóz sońynda Jambyl Ahmetbekov.