Jambyldyqtar kóbine elektr jaryǵynyń sapasyna shaǵymdanady

<p>TARAZ. KAZINFORM &ndash; Jambyl 109 qyzmetine eń kóp ótinish jaryqpen qamtamasyz etýge baılanysty kelip túsken. Onyń jyl basynan bergi jalpy sany &ndash; 5707.</p>

Al veterınarııalyq qyzmet túrine – 4 107 ótinish, sýmen qamtamasyz etýge baılanysty – 2 029, kóshe jaryǵyna – 1 995, jol ınfraqurylymyna – 1 562, káriz júıesine – 832 ótinish, qoǵamdyq kólikke – 798 ótinish, lıftke qatysty 602 ótinish túsken. 

Bul týraly óńirlik kommýnıkatsııalar qyzmetinde ótken brıfıngte belgili boldy. 

«Jambyl 109 qyzmetiniń júıesinde halyqqa 5600-den asa qyzmet túri usynylady. Búgingi tańda Jambyl 109 qyzmeti 330 mekememen jumys isteıdi. Onyń ishinde 150 qalalyq jáne aýdandyq mekeme, 99 vedomstvolyq jáne merdigerlik uıym bolsa, 36-sy - oblystyq jáne respýblıkalyq mekemeler. Júıege óńirdegi qala men aýdandyq bólimder, kommýnaldyq qyzmet túrin usynatyn mekemeler jumyldyrylǵan», – deıdi Jambyl oblysy biryńǵaı 109 qyzmetiniń basshysy Tursynbek Baqkeldi.

Buǵan deıin Jambyl oblysynda 54 aýyl sapaly aýyz sýmen qamtylmaǵanyn jazǵan bolatynbyz.