Jambyldyq turǵyn Túrkistan oblysynda 2 qap esirtkimen ustaldy

<p>Tártip saqshylary trassadaǵy kólikten 40 keli keptirilgen marıhýana tapty, dep habarlaıdy <a href="Kazinform." target="_blank" rel="noopener">Kazinform.</a></p>

Polıtsııa qyzmetkerleri «Batys-Qytaı – Batys-Eýropa» tas jolynda kúmán týdyrǵan «Honda Odyssey» kóliginen 2 qap esirtki tapty. Saraptama qorytyndysyna sáıkes tárkilengen zattaı dáleldemeler 40 kelige jýyq keptirilgen marıhýana bolyp shyqty. Kúdikti retinde Jambyl oblysynyń turǵyny qamaýǵa alyndy.

«Kóliktegi jolaýshy qaptaǵy zattardyń ózine tıeseli ekenin rastady. Atalǵan jaıt QR QK-niń 296-baby 3-bóligi «Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý» boıynsha tirkeldi. Tergeý oqıǵanyń tolyq mán-jaıyn jáne esirtkini jetkizý arnalaryn anyqtaıtyn bolady» - delingen Túrkistan oblysy polıtsııa departamentiniń baspasóz qyzmeti taratqan aqparatta.