Jambyldyq turǵyn páter alý úshin alaıaqqa jarty mıllıon teńge bergen

<p>TARAZ.KAZINFORM &ndash; Jambyl oblysy Qordaı aýdanynyń polıtsııa bólimine 23 jastaǵy jergilikti turǵyn habarlasyp, birneshe aı buryn memlekettik baǵdarlama boıynsha páter alýǵa kómektesýge ýáde bergen tanysyna jarty mıllıon teńge bergenin aıtyp shaǵymdanǵan.</p>

Oblystyq Polıtsııa departamentiniń baspasóz qyzmeti taratqan aqparatqa súıensek, kúdiktiniń qurbanyna aınalǵan turǵyn tek bul azamatsha emes eken.

«Tergeý is-sharalaryn júrgizý barysynda kúdiktiniń 2021 jyly taǵy bir azamatshaǵa turǵyn úı satyp alýǵa kómektesýge ýáde berip, 550 myń teńgesin aldap alǵany belgili boldy. Birneshe ret alaıaqtyq jasaǵany úshin er adamǵa qatysty qylmystyq is qozǵaldy, ol ýaqytsha ustaý ızolıatoryna qamaýǵa alyndy. Jambyl oblysynyń Polıtsııa departamenti oqýǵa qabyldaýǵa, jumysqa ornalasýǵa, jyljymaıtyn múlik alýǵa nemese qandaı da bir qujattarǵa qatysty deldal bolýǵa ýáde bergen adamdarǵa senbeý qajettigin qatań eskertedi. Memlekettik qyzmetterdi tek arnaıy memlekettik organdarda nemese resmı portaldardan alý kerek», – delingen baspasóz relızinde.

Aıta keteıik, buǵan deıin Jambyl oblysynda 40 keliden astam esirtki daıyndaǵan shopan ustalǵanyn jazǵan bolatynbyz.