Jambyldyq qyzmetshilerdi synaǵan jazbalardyń jartysy ras bop shyqqan

<p>TARAZ. KAZINFORM &ndash; 2024 jyldyń 8 aıynda Jambyl oblysyndaǵy memlekettik qyzmetshilerdiń is-áreketterine qatysty buqaralyq aqparat quraldarynda, ınternet-resýrstar men áleýmettik jelilerde barlyǵy 21 jaǵymsyz jarııalanym jazylǵan.&nbsp;</p>

– Endi osy jaǵymsyz materıaldardyń 10-y nemese 47,6 paıyzy rastalǵan. 6-aýy rastalmaǵan. Rastalmaǵan aqparattardy teriske shyǵarý jóninde tıisti jumystar atqaryldy. Al qalǵan 5-eýi málimet úshin jazylǵan. Jaǵymsyz jarııalanymdarda kórsetilgen mán-jaılar boıynsha QR Qylmystyq Kodeksiniń alaıaqtyq baby boıynsha 1 qyzmetshi jáne bılikti nemese laýazymdyq ókilettikterdi asyra paıdalaný baby boıynsha 1 qyzmetshi qylmystyq jaýapkershilikke tartylǵan bolsa, 14 qyzmetshi ár túrli tártiptik jazalarǵa tartyldy, - deıdi bul jóninde Memlekettik qyzmet salasyndaǵy baqylaý basqarmasynyń bas mamany Sandýǵash Júzbaeva.

2024 jyldyń maýsym aıynda buqaralyq aqparat quraldary men ınternet-resýrstaryna monıtorıng júrgizý barysynda QR AShM Veterınarııalyq baqylaý jáne qadaǵalaý komıtetiniń Jambyl oblystyq aýmaqtyq ınspektsııasy ınspektorlarynyń qyzmetine qatysty synı jarııalanym jazylǵany anyqtalǵan.

Jarııalanymda prokýratýra organdarymen bıýdjet qarajatyn tıimsiz paıdalaný, kásipkerlerdiń quqyqtaryna nuqsan keltirý jáne eńbek zańnamasyn buzý faktileri kórsetilgen. Osyǵan baılanysty ınspektsııa basshysy J. Qoekeevke «memlekettik laýazymyn tómendetý» túrindegi tártiptik jaza qoldanyldy. 

Al, ınspektsııanyń bas mamandary E. Berdibekov pen T. Jaqypbekov memlekettik qyzmetke kir keltiretin tártiptik teris qylyqtar jasaǵandary úshin «qyzmetine tolyq sáıkes emestigi týraly eskertý» túrindegi tártiptik jazaǵa tartylsa, bas maman R. Sarbasovaǵa «qatań sógis» túrindegi tártiptik jaza qoldanyldy.