Jambyldaǵy jol apaty: Іshki ister mınıstri isti óz baqylaýyna aldy

<p>ASTANA. KAZINFORM &ndash; QR Іshki ister mınıstri Erjan Sádenov Jambyl oblysyndaǵy jantúrshigerlik kólik apatynan qaza bolǵandardyń otbasylaryna kóńil aıtty.&nbsp;</p>

«Jambyl oblysynda jol qaýipsizdigin qamtamasyz etip júrip, qyzmettik boryshyn oryndaý barysynda qaza tapqan polıtsııa qyzmetkerleriniń otbasyna jáne jaqyndaryna qaıǵyra kóńil aıtamyn. Olardyń elge sińirgen eńbegi eshqashan umytylmaıdy. Qaza tapqandardyń otbasylaryna barlyq qajetti kómek kórsetiledi», - dep jazdy E. Sádenov áleýmettik jelidegi paraqshasynda.

Sonymen qatar ol qaıǵyly oqıǵanyń mán-jaıyn tergeý barysy óziniń jeke baqylaýynda ekenin atap ótti.

Budan buryn habarlanǵandaı, 17 tamyz kúni túngi saǵat 01:00 shamasynda respýblıkalyq mańyzy bar Merki-Shý-Býrylbaıtal tas jolynyń 34-shi shaqyrymynda, Merki aýdanyna qarasty Tátti aýylynyń mańynda jol-kólik oqıǵasy bolǵan. Toyota Alfard mınıveni men Skoda-Octavia polıtsııa kóligi betpe-bet soqtyǵysyp, mınıven órtke oranǵan.

Oqıǵa saldarynan 6 adam qaza tapty. Onyń ekeýi — polıtsııa qyzmetkeri jáne tórteýi — Toyota Alfard kóliginiń jolaýshysy. Taǵy tórt adam aýrýhanaǵa jetkizildi.

Aıta keteıik, mert bolǵan polıtseılerdiń biri - 11 balany tárbıelep otyrǵan kópbalaly áke bolǵan. 

Buǵan deıin osy kólik apatynda mert bolǵan polıtseılerdiń biri — Jambyl oblysy polıtsııa departamentiniń patrýldik polıtsııa batalonynyń ınspektory Ǵalym Arystanbaev pen jubaıy Álııa ózderi jıi baryp turatyn balalar úıinen segiz birdeı balany asyrap alǵanyn jazǵan edik.