Jambyldaǵy jarylysqa jaýapty 4 adam 23 mlrd teńge ótemaqy tóleıdi

<p>ShYMKENT. KAZINFORM &mdash; Shymkent qalasynyń azamattyq ister jónindegi aýdanaralyq soty Qorǵanys mınıstrliginiń tórt jaýapkerden 25 093 038 236 teńge materıaldyq zalaldy memleket paıdasyna óndirý týraly aryzyn qarady.</p>

Eske sala keteıik, 2021 jyly 26 tamyz saǵat 18:40 shamasynda Jambyl oblysy Baızaq aýdany Qaınar jol torabynda ornalasqan Qorǵanys mınıstrligi № 28349 áskerı bóliminiń oq-dári qoımasynan órt shyǵyp, onyń sońy jarylysqa ulasqan edi.

Saldarynan 18 adam qaza taýyp, 100 shaqtysy jaraqat aldy. Búkil Qazaqstanda aza tutý kúni jarııalandy. 

Sondaı-aq memleket pen jeke tulǵalarǵa asa iri mólsherde zalal kelgen.

Jaýapkerlerdiń kinási Shymkent garnızonynyń áskerı sotynyń 2023 jylǵy 20 qazandaǵy jáne Áskerı sottyń qylmystyq ister jónindegi sot alqasynyń 2024 jylǵy 13 naýryzdaǵy zańdy kúshine engen apellıatsııalyq sot aktilerimen dáleldengen.

Jaýapkerler áskerı bólimniń tehnıkalyq aýmaǵynda № 14 ınjenerlik oq-dári saqtaý qoımasynda órt shyǵýyna jol bergeni, ıaǵnı olardyń is-áreketinen asa iri mólsherde shyǵyn kelgenin sot anyqtaǵan.

Sondyqtan kelgen materıaldyq zalaldy ortaqtasqan túrde 23 764 530 881 teńge kóleminde memleket paıdasyna óndirý jóninde sheshim qabyldandy.

Talaptyń 1 328 507 355 teńge óndirý týraly bóligi dálelder bolmaýyna baılanysty qanaǵattandyrýsyz qaldyryldy.

Sheshim zańdy kúshine joq.