Jambylda «júgensiz ketken» AShM-nyń 20 ınspektory jazalandy

<p>ASTANA. KAZINFORM — Shý kólik prokýratýrasy agroónerkásip keshenindegi memlekettik ınspektsııa komıtetiniń oblystyq aýmaqtyq ınspektsııalaryna tekserý júrgizdi. </p>

Bıýdjet qarajatyn tıimsiz paıdalaný, zańsyz sertıfıkat berý, zańdy tulǵalardy jaýapkershilikten bosatý, taýarlardy shekara arqyly zańsyz ótkizý jáne memlekettik qyzmet kórsetý kezinde artyqshylyq berý faktileri anyqtaldy. 

Kásipkerlerdiń quqyǵyn jáne eńbek zańnamasyn buzý jaǵdaılary áshkere bolǵan.

Barlyq anyqtalǵan kemshilik boıynsha 2 mln teńgege jýyq somaǵa ákimshilik hattama toltyrylyp, 20-dan astam laýazymdy tulǵa jaýapqa tartyldy.

Onyń ishinde 2 veterınarlyq baqylaý jáne qadaǵalaý ınspektory memlekettik qyzmettiń bedelin túsiretin teris qylyǵy úshin jazalandy jáne ınspektsııa jetekshileri qatań sógiske tartyldy.

Sonymen qatar, prokýratýra demalys jáne qosymsha jumys ýaqytyna tólem bergizý arqyly 60-tan astam ınspektsııa qyzmetkeriniń konstıtýtsııalyq quqyǵyn qorǵady.