Jambylda ustalǵan kúdikti polıtseı Antıkor qyzmetshisine qarý kezengen

<p>ASTANA. KAZINFORM &ndash; Jambyl oblysynda aýdandyq polıtsııa bólimi qyzmetkerleri qylmystyq áreketiniń jolyn kesildi. Bul týraly QR Sybaılas jemqorlyqqa qarsy is-qımyl agenttiginiń resmı ókili Danııar Bıgaıdarov aıtty.</p>

- Jambyl oblysy boıynsha Sybaılas jemqorlyqqa qarsy qyzmet shekara mańyndaǵy bir aýdandyq polıtsııa bólimi qyzmetkerleriniń qylmystyq áreketiniń jolyn kesti. Olar janar-jaǵarmaı materıaldaryn Qazaqstan Respýblıkasynan zańsyz áketýge jol berip, sheteldik azamattardan materıaldyq syıaqy aldy degen kúdikke ilindi. Osy zańsyz áreketterdiń nátıjesinde kórshi memlekettiń azamattary munaı ónimderiniń zańsyz aınalymyn uıymdastyrǵan, - dedi ol baspasóz máslıhatynda.

Resmı ókildiń aıtýynsha, tergeý áreketterin júrgizý barysynda, kúdiktilerdiń biri óńirlik Sybaılas jemqorlyqqa qarsy is-qımyl departamentiniń qyzmetkerlerine qyzmettik qarý qoldaný arqyly qarsylyq kórsetken.

Sottyń sanktsııasymen kúdikti qamaýǵa alyndy. Tergeý jalǵasýda.

Aıta keteıik, Astanada para alyp, balabaqsha ornyn saýdaǵa salǵan sheneýnik ustaldy.

Sportty damytý dırektsııasynyń basshysy 584 mln teńge qarjy jymqyrǵany anyqtaldy.

Antıkor eki jylda 1 trln 100 mlrd teńgeniń zańsyz aktıvterin qaıtardy.