Jambylda sheneýnikterdiń kesirinen 156 jetim bala úı kezegine turmaǵan

<p>TARAZ. KAZINFORM — Jambyl oblysynyń prokýratýrasy áleýmettik turǵyn úıge muqtaj 350-den astam azamattyń quqyǵyn qorǵady.</p>

Jambyl oblysynyń prokýratýrasy halyqtyń áleýmettik osal tobyna jatatyn 356 azamattyń, onyń ishinde 156 jetim balanyń turǵyn úı quqyǵyn qorǵady.

Tekserý nátıjesinde jergilikti atqarýshy organnyń jaldamaly turǵyn úı úshin tólemdi negizsiz joǵarylatý, páter berý kezinde kezek saqtamaý jáne t. b. faktileri anyqtaldy.

Mysaly, Baızaq aýdanynda 2014 jyldan beri 65 balany qamqorshylary baspanaǵa kezekke qoımaǵan.

Prokýrorlyq den qoıý sharalary boıynsha jaldaý aqysynyń qunyn jalpy somasy 1,2 mln teńgege tómendetý arqyly 200 azamattyń quqyǵy qorǵaldy, 156 jetim bala kezekke qoıyldy, onyń úsheýi úı aldy.

Jyl sońyna deıin 66 jetim balany pátermen qamtamasyz etý josparlanǵan.