Jambylda nóser jaýynnan Merki ózeniniń sýy arnasynan asty

<p>TARAZ. KAZINFORM - Jambyl oblysy ákimdigi sý tasqynyna daıyndyq boıynsha resmı aqparat taratty. Munyń aldynda Qazgıdromet óńirlik fılıaly Jambyl oblysynda 10-13 mamyr aralyǵynda qatty jańbyr jaýady dep boljaǵan edi.&nbsp;</p>

Ákimdiktiń málimetine sensek, qazir sý tasqyny jaǵdaıy birqalypty.

Jaýyn-shashynnyń saldarynan Merki ózeninde sý deńgeıi kóterilgen. 

«10 mamyr keshki saǵat 20:00–den bastap Merki ózeniniń arnasy boıynsha jergilikti atqarýshy organdar men tótenshe jaǵdaılar departamentiniń jedel toby qyzmetkerleriniń táýlik boıy kezekshiligi uıymdastyrylǵan. Sý aıdynynyń jaı-kúıi men tolýyna úzdiksiz monıtorıng, baqylaý jasalyp jatyr. Sonymen qatar, quzyrly organdar atalǵan ózen arnasy jaǵalaýyn jaıaý aralap kórdi» deıdi oblys ákimdiginen. 

Merki aýdanynan 68 adam, 22 tehnıka, 6 motopompa, 3 elektrogenerator jáne Rysqulov aýdanynan 100 adam, 34 tehnıka, 7 motopompa, 4 elektrogenerator daıyn tur.

Azamattyq qorǵaý memlekettik júıesiniń kúsh-quraldary joǵary daıyndyqqa keltirildi.

Jambyl oblysynyń ákimi Erbol Qarashókeevtiń tapsyrmasymen oblys ákiminiń orynbasary Q. Mádibek, TJD bastyǵynyń orynbasary E. Aqylbekov jáne basqa da jaýapty laýazymdy tulǵalar oqıǵa ornyna jedel jolǵa shyqty.

Sý qoımalary talapqa saı jumys istep tur.