Jambylda «Asar» jobasymen kópbalaly jáne az qamtylǵan otbasylar baspana alýda

<p>Jambyl oblysynda 37 myńnan astam adam baspana alý kezeginde tur. Bul týraly óńir ákimi Erbol Qarashókeev elordadaǵy eseptik brıfınginde aıtty, dep habarlaıdy <a href="Kazinform" target="_blank" rel="noopener">Kazinform</a>.</p>

«Jyl basynan beri 558 myń sharshy metr turǵyn úı paıdalanýǵa berildi. Turǵyn úı alýǵa kezekte 37,6 myń adam tur, onyń 16,3 myńy – halyqtyń áleýmettik osal toptary. Qazir 74 turǵyn úıdiń qurylysy júrgizilýde, onyń 35-in jyl sońyna deıin aıaqtaý josparlanýda», - dedi E. Qarashókeev Ortalyq kommýnıkatsııalar qyzmetinde.

Onyń aıtýynsha, jyl basynan bıýdjet qarajaty esebinen 10 úı jáne jeke ınvestıtsııalar esebinen 11 úı tapsyryldy.

Jyl sońyna deıin 882 mln teńgege jańa turǵyn alaptarynyń 869 ýchaskesine ınjenerlik ınfraqurylym tartylady.

«Bıyl halyqtyń áleýmettik osal toptary men kópbalaly otbasylar úshin 7,6 mlrd teńgege 797 páter satyp alýdy josparlap otyrmyz. Búginge 123 páter satyp alyndy. «Asar» bastamashylyq jobasy aıasynda 49 kópbalaly jáne az qamtylǵan otbasylar baspanamen qamtyldy», - deıdi E. Qarashókeev.

Ákimdiktiń habarlaýynsha, jergilikti kásipkerlerdiń demeýshilik qoldaýymen 2020 jyldan bastap 338 az qamtylǵan otbasy baspana alǵan.