Jambyl polıtseıleri júrgizýshi kýáligin satýmen aınalysqan qylmystyq shemanyń aldyn aldy

<p>ASTANA. KAZINFORM &ndash; Jambyl polıtseıleri júrgizýshi kýáligin berýge qatysty qylmystyq shemanyń jolyn kesti.</p>

Jambyl oblysy ІІD baspasóz qyzmetiniń habarlaýynsha, oblysta eldiń ońtústik aımaqtary, atap aıtqanda, Jambyl, Túrkistan oblystary, Almaty jáne Shymkent qalalarynyń turǵyndarynan quralǵan qylmystyq toptyń jolyn kesti. Olar uzaq ýaqyt boıy tıisti daıyndyǵy men kólik júrgizý tájirıbesi joq adamdarǵa júrgizýshi kýáligin zańsyz berýmen aınalysyp, sol úshin aqsha alyp otyrǵan. 

«Qylmystyq shemaǵa HQO qyzmetkerleri jáne júrgizýshi kýáligin alǵysy keletin osy aımaqtardyń barlyǵynan klıentter izdegen «kómekshiler» kirdi. Keıinnen bul kýálikter Taraz qalasynyń Halyqqa qyzmet kórsetý ortalyqtarynda rásimdelip, berildi», - dep túsindirdi vedomstvodan.

12 aqpanda Jambyl jáne Túrkistan oblystarynda, Almaty jáne Shymkent qalalarynda qylmystyq top múshelerin jumys jáne turǵylyqty jeri boıynsha ustaý jáne tergeý sharalary júrgizildi. Olardyń arasynda HQO basshylary men laýazymdy tulǵalary bar.

Tirkelgen qylmystyq ister aıasynda tergep-tekserý sharalary júrgizilýde, júrgizýshi kýáligin zańsyz berýdiń 35 faktisi anyqtalyp, qylmystyq shemany uıymdastyrýshylar men oryndaýshylar ýaqytsha ustaý ızolıatoryna qamaldy, dep habarlaıdy Jambyl oblystyq polıtsııa departamentiniń baspasóz qyzmetinen.