Jambyl oblysynyń turǵyny Tik-Tok jelisindegi jarııalanym úshin sot aldynda jaýap berdi

<p>&nbsp; Moıynqum aýdandyq sotynda ar-namysty qorǵaý týraly is tyńdaldy, dep habarlaıdy <a href="https://kaz.inform.kz/" target="_blank" rel="noopener">Kazinform </a>agenttiginiń menshikti tilshisi.</p>

Jambyl oblystyq soty baspasóz qyzmetiniń aqparaty boıynsha, Moıynqum aýdandyq sotynda A .esimdi azamatqa qatysty Ákimshilik quqyq buzýshylyq týraly zańnamanyń 73-3-baby, 2-bóligi «Jala jabý» boıynsha ákimshilik is qaraldy.

- 2023 jyldyń qazanynda A. esimdi azamat Tik-Tok áleýmettik jelisinde vıdeojazba jarııalap, S. esimdi zardap shegýshini jeńil júristi qyz dep aıtqan. Sol arqyly onyń ar-namysyna nuqsan keltiretin kórineý jalǵan aqparat taratqan, - dep túsindirdi sot ókilderi.

Іsti qaraý kezinde A. kinásin tolyqtaı moıyndap, isine ókindi. Zardap shekken qyz ony keshirip, isti toqtatýdy surady.

Sot buıryǵymen A. ákimshilik jaýapkershilikten bosatylyp, eki tarap tatýlasqandyqtan is toqtatyldy.

Buıryq zańdy kúshine engen joq, dep naqtylady Moıynqum aýdandyq baspasóz qyzmeti.