Jambyl oblysynyń aýyldyq eldi mekenderinde bıyl 8 Mádenıet úıi paıdalanýǵa beriledi

<p>TARAZ. KAZINFORM &ndash; Respýblıka kúni jáne Jambyl oblysynyń 85 jyldyq mereıtoıyna oraı Talas aýdany Kóktal eldi mekeninde aýyldyq Mádenıet úıi paıdalanýǵa berildi. Atalǵan mádenıet nysanynyń qurylysyn merdiger &nbsp;&laquo;Taimas Construction Company&raquo; jaýapkershiligi shekteýli seriktestigi bes aıdyń ishinde aıaqtaǵan.</p>

Klýbtyń saltanatty ashylý jıyna Jambyl oblysy ákiminiń orynbasary Serik Sálemov qatysyp, mádenıet salasyn damytýǵa baǵyttalǵan jumystardyń mańyzyna toqtalyp ótti.

Foto: Jambyl oblysy ákimdiginiń Aqparat jáne qoǵamdyq damý basqarmasy

«Mádenıet oshaǵynyń ashylýy – rýhanı jetistigimizdiń bir jemisi, jaqsylyqtyń kórinisi. Óıtkeni ósetin el mádenıeti men rýhanııatyna asa mán bergen. Mádenıeti joǵary ult qana álemdegi órkenıetti elderdiń ortasynan oryn alatyny sózsiz. Memleket basshysy mádenıet pen ónerdi damytý memleketimiz úshin negizgi basymdyqtyń biri ekendigin alǵa qoıyp otyr. Aýyldy eldi mekenderde ashylyp jatqan osyndaı nysandar – sonyń bir kórinisi», – dep atap ótti Serik Jaqsylyquly saltanatty is-shara kezinde.

Aıta keteıik, 2021 jyldan beri oblys kóleminde 18 mádenıet nysanynyń qurylysy júrgizilip, paıdalanýǵa berilgen.

Foto: Jambyl oblysy ákimdiginiń Aqparat jáne qoǵamdyq damý basqarmasy

Al bıyl 16 mádenıet nysanynyń qurylysy bastalyp, jyl aıaǵyna deıin 8 nysannyń qurylysyn aıaqtaý josparlanyp otyr.

Foto: Jambyl oblysy ákimdiginiń Aqparat jáne qoǵamdyq damý basqarmasy

Búgingi kúni Jambyl oblysynda 199 mádenıet úıi men klýbtar turǵyndarǵa mádenı-kópshilik qyzmet kórsetip keledi. Olardyń 171-i tıptik ǵımaratta, 28 klýb yńǵaılastyrylǵan ǵımaratta ornalasqan.

Sondaı-aq, bıyl Jambyl oblysynyń 85 jyldyq mereıtoıyna oraı «Týǵan ólkem - Jambylym!» atty kompozıtorlar men qylqalam sheberleriniń respýblıkalyq baıqaýlary, qolónershilerdiń oblystyq baıqaýy, «Kúzgi áýen» klassıkalyq óner festıvali jáne halyq aqyny, jyraý, dúldúl ánshi, kórnekti kompozıtor Kenen Ázirbaevtyń 140 jyldyǵyna arnalǵan «Shyrqa, daýsym» HІІ Respýblıkalyq dástúrli ánshiler konkýrs-festıvali jáne basqa da mádenı-buqaralyq is-sharalar josparlanǵan.