Jambyl oblysyndaǵy mektepke 68 mln teńgeniń sertıfıkaty berildi

<p>TARAZ. KAZINFORM &ndash; Tarazda &laquo;Bilim berýdegi tsıfrlyq ınnovatsııalar&raquo; taqyrybymen bilim qyzmetkerleriniń oblystyq Tamyz pedagogıkalyq keńesi ótti.</p>

Onda Merki aýdanyndaǵy T.Qojakeev atyndaǵy №39 mektep-gımnazııasy «Orta bilim beretin úzdik uıym» grantyn jeńip alyp, 68 mln teńgeniń sertıfıkatyna ıe boldy.

– Mektebimizde 1430 oqýshy bar. Olarǵa 164 muǵalim sabaq beredi. Ózimniń jalpy 36 jyldyq eńbek ótilim bolsa, sonyń 22 jylynda dırektor bolyp eńbek etip kelemin. Eki jyldan beri osy bilim oshaǵynda rotatsııalanǵan mektep dırektorymyn. 

Túrli baıqaý, olımpıadalardan bólek, sońǵy eki jylda oqýshylarymyz robototehnıkadan respýblıkalyq qana emes, halyqaralyq jarystardyń jeńimpazdary atanyp júr. 

Al mundaı marapatqa jetý úshin kún-tún demeı jumys isteý kerek. Ujymnyń, oqýshylardyń, ata-analardyń yntymaq-birliginiń arqasynda osyndaı nátıjege jetip jatyrmyz. 

Jeńip alǵan qarajatty mektebimizdiń materıaldyq-tehnıkalyq bazasyn nyǵaıtýǵa, tsıfrlandyrý jaǵyna baǵyttasaq josparlap otyrmyz, – deıdi Gúljan Tileýberdıeva. 

Sondaı-aq, keńes barysynda «Kolledjder lıgasynyń» jeńimpazy Jambyl ınnovatsııalyq joǵary kolledjine 10 mln. teńgeniń sertıfıkaty tapsyryldy.

«Bilim berý uıymdary qyzmetteriniń tıimdiligin baǵalaý» reıtıngisiniń nátıjesinde eń joǵary kórsetkishke ıe bolǵan bilim berý uıymdary 1 mln teńgemen, respýblıkalyq «Úzdik pedagog» baıqaýynda 7 birdeı pedagogi «Úzdik pedagog» ataǵyn ıelengen oblystyq daryndy balalarǵa arnalǵan mamandandyrylǵan «Daryn» lıtseı-ınternatynyń ujymy «Úzdik pedagogter sheberhanasy» nomınatsııasymen jáne 500 myń teńge aqshalalaı syılyqpen marapattaldy. 

«Úzdik ınnovatsııalyq mektepke deıingi uıym» atalymy boıynsha da oblystaǵy birqatar balabaqshalar marapattalyp, 500 myń teńgege ıe boldy.

Buǵan deıin Jas maman mınıstrge Jambyl oblysyndaǵy sybaılas jemqorlyq týraly shaǵymdanǵanyn jazǵan bolatynbyz.