Jambyl oblysynda zırat qorshaýyn urlap jatqan eki adam ustaldy

<p>TARAZ. KAZINFORM -&nbsp; Jambyl oblysynda zırat qorshaýyn qoldy qylǵan kúdiktiler ustaldy.</p>

ІІM baspasóz qyzmetiniń málimetinshe, 2024 jyldyń 26 qazanynda Turar Rysqulov aýdanynda eki er adam zırattyń temir qorshaýyn urlap jatqan kezinde ustaldy. QR QK-niń 24-baby (Qylmysqa oqtalý) jáne QR QK-niń 188-baby (Urlyq) boıynsha qylmystyq is qozǵaldy.

Kúdiktiler 33 jastaǵy Jambyl aýdanynyń jáne 34 jastaǵy Baızaq aýdanynyń turǵyndary ekeni anyqtaldy.

Tergeý barysynda kúdiktilerdiń buryn jasalǵan Talas aýdany mańyndaǵy zırat qorshaýlaryn urlaý deregine qatysy bar ekeni belgili boldy. Qazirgi ýaqytta olardyń basqa da osyǵan uqsas qylmystarǵa qatysy anyqtalyp jatyr.

Sotqa deıingi tergeý amaldary jalǵasyp jatyr.

Pavlodar oblysynda zırattar tsıfrlanyp jatqanyn jazǵan bolatynbyz.