Jambyl oblysynda jolda qalǵan adamdarǵa qyrǵyz qutqarýshylary kómekke keldi

<p>Qazaqstannyń ońtústik oblystarynda kólikter jolda turyp qaldy. Olarǵa Qyrǵyzstannyń tótenshe jaǵdaılar mınıstrliginiń qutqarýshylary kómekke keldi, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi <a href="https://24.kg/obschestvo/282293_vkazahstane_zastryali_mashinyi_napomosch_otpravilis_spasateli_mchs_kyirgyizstana_/" target="_blank" rel="noopener">24.kg</a> resýrsyna silteme jasap.&nbsp;</p>

Qazaqstanda qarly boran saldarynan 100-den astam kólik Almaty-Tashkent tasjolynda qar qursaýynda qaldy. 

Qyrǵyz TJM málimetinshe, 14 jeltoqsanda jolaýshylar mingen 100-150 shamaly kólik Alǵa men Qordaı aýyldarynyń arasynda qalyp, Qyrǵyzstanǵa óte almaı qalǵan.

Olardy qutqarýǵa Qazaqstan tarapynan 99 qutqarýshy men 37 aýyr tehnıka jumyldyryldy.

Qyrǵyzstannyń tótenshe jaǵdaılar mınıstrligi 39 qutqarýshy, 5 aýyr tehnıka, bir júk kóligi jáne 2 qarda júretin kólik jiberdi.

«Saǵat 03.05-te qutqarýshylar „Aq-Jol“ baqylaý-ótkizý beketine attandy. Saǵat 08.15-te olar Qazaqstan aýmaǵynda boldy», — dep atap ótti Qyrǵyzstan tótenshe jaǵdaılar mınıstrliginen. 

Qyrǵyzstan men Qazaqstan daǵdarysty basqarý ortalyqtary arasyndaǵy kelissóz qorytyndysy boıynsha bes kólikpen eriktiler kedergisiz ótip jatyr.

Qar qursaýynda qalǵan azamattar qaýipsiz jerge evakýatsııalandy.