Jambyl oblysynda jol erejesin buzǵan boryshkerlerden 49 mln teńge óndirildi
«Boryshker — 2024» jedel aldyn alý is-sharasy aıasynda polıtseıler arnaıy avtokólikterde ornatylǵan tıisti derekter bazasy boıynsha júrgizýshilerdi tekserýdi júzege asyrdy. Úsh kún ishinde memleket bıýdjetine 48 mln 956 myń teńge óndirildi. Tólenbegen aıyppuldary bar 301 avtokólik arnaıy turaqqa qoıyldy, - dedi Jambyl oblysy PD ákimshilik polıtsııa basqarmasynyń bastyǵy Jaıdarbek Quttybaev.
Sondaı-aq, halyq arasynda ákimshilik aıyppuldardy tóleý joldary týraly túsindirý jumystary júrgizildi. Mamandar 2069 boryshkerdiń úıi men páterlerine baryp, túsindirý jumystaryn júrgizdi.
Іs-shara barysynda polıtsııa qyzmetkerleri oblys ortalyǵynda BMW kóligin toqtatyp, tekserý kezinde jyldamdyqty asyrǵany úshin 3 tólenbegen nusqama anyqtaldy. Boryshkerdiń kóligi aıyppuldary tolyq ótelgenge deıin arnaıy turaqqa qoıyldy.
Jambyl oblysynyń polıtsııa departamenti jol qozǵalysyna qatysýshylardy jeti táýlik ishinde kórsetilgen aıyppul kóleminiń 50%-yn tóleýge quqyly ekenin eske salady.